Ráđđeaddin
Go don sáddet sisa iežat idea midjiide dutnje addojuvvo gieđahalli gii boahtá váldit aktavuođa duinna vahku siste dan rájis go mii leat ožžon dan maila dehe telefovnna bakte.
Mii sáhttit dárbbahit dievasmahtti dieđuid vai sáhttit gieđahallat du idea rivttes vugiin. Dan maŋŋel du gieđahalli várre persovnnalaš čoahkkima duinna. Čoahkkima áigge mii mannat čađa du idea ovttas ja mearridit nuppi lávkki vuolgimin das makkár eavttut du ideas leat ja du persovnnalaš doaivagat ja dárbbut.
Go lea válmmas evttohus buoret čovdosii mii sáhttá ávkkuhit earáid gávdnojit máŋga geainnu ovddidit idea viidáseappot. Mii bargat dan dávttas mii orru muttát dutnje ja don sáhtát goas fal heaittihit ovttasbarggu minguin.
Ideadárkkisteapmi (Geaidnoválljen)
Ovddidanossodaga idearáđđi
Du gieđahalli sáhttá evttohit ahte idea váldo ovdan Norrbottena Guovllu idearáđis gos mielbargit sierra gelbbolašvuođain čoahkkanit addit evttohusa mot mii buoremusat sáhttit ovddidit idea.
Njunušjoavku
Du gieđahalli sáhttá cohkket njunušjoavkku gos gehččet idea sierrageahččanguovlluin. Idea ovddideapmi gáibida dávjá máŋga sierra gelbbolašvuođa ja perspektiivva. Njunušjovkui sáhttet gullot fitnodatráđđeaddit, dearvvasvuođa- ja buohccedikšunbargit ovdamearkka dihte buohccedivššár dehe kurator sihke buohccit dihto diagnosain.
Olggobeal čájáhalli
Norrbottena guovlu bargá ovttas báikkálaš čájáhalliiguin geat dihto dáhpáhusas fállat buoret veahki du idea ovddideapmái. Dat sáhttá leahkit:
- Fitnodat dehe organisašuvdna
- Fitnodatráđdeaddi, ovdamearkka dihte ABI, Arctic Business Incubator
- Ođastusdoarju, ovdamearkka dihte ALMI dehe hutkisearvi
- Eará čájáhalli
Du gieđahalli sáhttá veahkehit du oahpástuvvat rivttes olbmuin.
Teasta doaimmas
Mii sáhttit veahkehit du testet du válmmas čovdosa min doaimmas.
Lea dehálaš muitit ahte proseassa ideas válmmas čovdosii váldá sierra guhkes áiggi.
Diehttelas du eaiggádat rievtti iežat ideai ja boahtá gieđahallot suollemasvuođas nu guhká go don dan háliidat.
: Ođastus Norrbottena Guovllus mearkkaša ahte dat mii lea ođas ja ávkkálaš galgá dahkkot ávkkálažžan.